Black Hoodie

The hoodie, he is waatchin
in the branches o yon tree.
The hoodie, he is waatchin
in the branches o yon tree.
He is waatchin, he is waitin
fir a pair wee sowel like me.

Ma lad, he wis a sodjer
in a kintra far awa.
Ma lad, he wis a sodjer
in a kintra far awa.
In the tree oot in ma gairden
there's an auld black hoodie craa.

The burnie,
it is risin.
It is fu o meltit snaa,
fu o meltit snaa,
fu o meltit snaa.
The burnie,
it is risin.
It is fu o meltit snaa,
fu o meltit snaa,
fu o meltit snaa.

Ma lad, he deed a sodjer
an ma hert did brak in twa.
Ma lad, he deed a sodjer
an ma hert did brak in twa
whaun ma lad deed a sodjer
somewhaur in Afghanistan.

The burnie,
it is risin.
It is fu o meltit snaa,
fu o meltit snaa,
fu o meltit snaa.
The burnie,
it is risin.
It is fu o meltit snaa,
fu o meltit snaa,
fu o meltit snaa.

*

If you would like to sing this song, let me know.